«Сизин Дагъыстанны халкъларыны бирлигини гюню булан къутлайман. Бу байрам бизге ювукъ ва къайсыбызгъа да яхшы ­англашылагъан байлыгъыбызны арагъа чы­гъара. О – Ватангъа бакъгъан сююв, ругь ва тарихи маданият даражагъа аминлик, жамият учун пайдалы къуллукъну кютмек.
Дагъыстанлыланы къыйынлыкъланы алдында жамият арада бирлик болдуруп бажарагъанлыгъы кёп керенлер душмандан уьст болмагъа кёмек этген. Ана топуракъгъа аминлик бизге ата-бабаларыбыздан гелген. Олар бирлешип, уьч юз йыл алъякъда чапгъын этип гелген елевчюлени де къайтып гетме борчлу этген.
Халкъланы бирлиги Уллу Ватан давну йылларында да мекенли сыналды. Он ­минглер булан давгъа гетгенлер къайтмады. Олагъа этилеген сый сёнмежек. 1999-нчу йылны август-сентябр айларында да биз бирдагъы керен оьзюбюзню гёрсетме бажардыкъ. Дагъыстанлылар къолларына савут тутуп, республиканы, Россия пачалыкъны да конституция ихтиярларын якълады.
Бизин ата-бабаларыбыз бизге къардаш халкъланы арасындагъы дослукъну сакълама васият этген. Гьали де, дагъыстанлы яшлар Украинада асгер операцияда ортакъчылыкъ этип турагъан вакъти, шолай ругьну якълап, бизин гючюбюз бирликден таба гелегенни исбатлай.
Бизин борчубуз – къыйынлыкълагъа да къарамайлы, тарихи, культура байлыкъланы гележекде де сакълап билмек.
Оьзюню яшавун ва яратывчулугъун ­оьсген элине багъышлагъан уллу Расул Гьамзатов айтгъаны йимик: «Биз къайсы тилде сёйлесек де, не йырланы йырласакъ да, ой-пикруларыбыз къыйышмаса да, бизин бир-биревге ювукъ этеген бир зат бар. О да – Дагъыстангъа бакъгъан сююв. О якъдан башгъа пикру ёкъ. Шо бизге инаныв, гьакъыл булан гюч де бере».
Аявлу къурдашлар! Сизин барыгъызгъа да яхшы савлукъ, насип ва аманлыкъ ёрайман. Дагъыстанны ва савлай Россияны да оьсювюнде парахатлыкъ, бирлик гьар даим де инамлы таяв болуп токътасын!» – деп айтыла къутлавда.