Россияны Ахтарыв комитетини Дагъыстан ахтарыв управлениеси Магьачкъаладагъы школаланы бирисинде болгъан агьвалатгъа байлавлу тергевлени башлагъан.
Интернетде ерлешдирилген видеороликде 9-нчу класны эки охувчусу школаны догъасында тенглисин яман кюйде токъалай. Гьатта ол йыгъылып эсин тас этгенде де, аякълары булан тебивню узаталар. Гечге таба белгили болгъан кюйде, видеоролик Магьачкъаладагъы 8 номерли лицейде чыгъарылгъан. Токъалангъан яш азарханагъа тюшген.
Артындагъы гюн 9-нчу класны эки де охувчусун лицейге гирмеге къоймагъанлар. Шо заман шо «элбезгенлер» бирдагъы бир яшны школадан чыгъып, къырда «бетге-бет» сёйлеме чакъыргъан. Оланы бириси кёмекге тапанчасы булангъы агъасын да гелтирген болгъан. Тек муаллимлер заманында полицейскийлеге зенг этгенлер. Бек къутургъан агъа-ини машинге де минип къачма къарагъан, тек тутулгъан ва полиция бёлюкге етишдирилген.
Алав Алиев
