Алдагъы гюнлерде Къарабудагъгентдеги школа-интернатда билим алагъан ва тарбияланагъан яшлар «Россия – мени тарихим» деген тарихи паркда оьтгерилген «Янгы йылны аламатлары» деген халкъ саниятчылыкъны  выставка-ярмакюсюнде ортакъчылыкъ этген.

 

Дагъыстанны билим беривге ва илмугъа къарайгъан министрлигини сиптечилиги булан оьтгерилген шо гьаракатда сурат этивде ва оьзге  саниятларда охувчу яшлар  оьзлени пагьмуларын гёрсетген. Шону булан бирге, иштагьлылагъа оланы къолундан чыкъгъан гьар тюрлю алатланы сатып алмагъа имканлыкъ берилген. Эсгерилген охув ожакъны ёлбашчысы Иманият Гьажиева  бизге билдирегени йимик, шо гьаратда оьзлени алдында  тарбияланагъан охувчулар биринчилей ортакъчылыкъ эте. Оланы выставка-ярмакюге  гьазир этивде  школа-интернатны директоруну тарбиялав масъалалагъа къарайгъан заместители У. Агъабекова, олай да загьмат дарсланы  юрютеген муаллимлер М. Мамагишиева ва С. Даниялова айрыча къошумун  болдургъан.

 

Насрулла БАЙБОЛАТОВ.