Ахты район судда ерли район азархананы баш врачы М. Исмайылованы уголовный ишине къаралгъан.

 

Судгъа бакъдырылгъан материаллагъа гёре ол азархананы баш бухгалтери булан сёйлешип, савлукъ сакълав идараны бюджетинден акъчаланы урлап тургъан. Янгыз бир йылны ичинде олар пачалыкъгъа 21 миллион манатны оьлчевюнде зарал гелтиргенлер.

Судну къарары булан пачалыкъны ихтиярына М.Исмайылованы  уьч квартири, Магьачкъаладагъы ва Каспийскидеги эки онгача уьйлери, «Тойота» ва «Мерседес» машинлери чыгъарылып алынгъан.

Суд баш врачны бир йылгъа ва алты айгъа эркинликден магьрюм этмек деген къарарны чыгъаргъан. Ону айтгъан-айтгъанын этип  тургъан баш бухгалтерге туснакъда 3 йыл турмагъа тюшежек.

 

Алав Алиев