Хасавюртда эки белгисиз жинаятчы савут-сабаны сатагъан тюкенни 37 йыллыкъ есисин оьлтюргенлер.
Шо гюнден алда бизнесмен Дубайдан къайтгъан болгъан. Эртен къаратангда ону уьстюне танымайгъан экев гелген, оланы арасында борчланы гьакъында лакъыр юрюлген.
Ахырда лакъыр ябушув-токъалашывгъа айлангъан, далапчыны къатыны эрине кёмек этмеге къарагъан, тек башына тийген авур темирден эсин тас этип йыгъылгъан. Эсине гелгенде, эрин бети къангъа боялгъан кююнде тапгъан.
Россияны Ахтарыв комитетини Дагъыстан ахтарыв управлениеси тергевлени башлагъан. Далапчыны оьлген кююнде шагьарны Южная деген орамында ерлешген кёп къабатлы уьйлени квартиринде тапгъанлар. Жинаятчыланы излейлер.
Бир-бир телеграммканаллар билдиреген кюйде, ол хоншу Азербайжан Республиканы ватандашы болгъан.
Алав Алиев
