ГЬАРАКАТЧЫ ПАЧАЛЫКЪ КЪУЛЛУКЪЧУ

2022-нчи йыл 11-нчи  апрелде Россияны Президенти В.Путинни къолбасы булан пачалыкъ чалышывчу, экономика илмуланы кандидаты, Россияны экономика оьсювюню министерлигини Темиркъазыкъ-Кавказ федерал округунда пачалыкъ яшавлукъ-экономика программаланы яшавгъа чыгъарагъан департаментни директору Камил Бексолтановгъа 2 класлы пачалыкъ ойчусу деген чин берилген. Шолай чини барлар Дагъыстанда 3 тюгюл ёкъ эди. Бизин къумукъ улан дёртюнчю болду.

Камил Бексолтанов Хасавюрт шагьарда 1983-нчю йылда тувгъан.

2005-нчи йылда Россияны финанс министерлигини бюджет ва казначейство академиясын битдирген.

2006–2008 -нчи йылларда шо академияны илму-ахтарыв бёлюгюню  илму къуллукъчусу, сонг 2 йыл Россияны финанс министерлигини му-ниципал къурулувланы бюджетара аралыкъларына къарайгъан бёлюгюню насигьатчысы болгъан.

2008–2015-нчи йылларда Россияны регион оьсювюню пачалыкъ программаларына харж гёрсетеген департаментни директоруну замес­тители, директоруну къуллугъунда ишлеген.

2015–2017-нчи йылларда Россия-ны Гьукуматыны милли аралыкълагъа къарайгъан федерал агентлигини управлениесини начальниги.

2017– 04.2021-нчи йылларда Россияны экономика оьсювюню ми-нистерлигини регион инвестиция программаларына къарайгъан департамен-тини директоруну замес­тители, 2021-нчи йылда Россияны экономика оьсювюню министерлигини Темиркъазыкъ-Кавказ федерал округуну пачалыкъ яшавлукъ-экономика программаларын яшавгъа чыгъарагъан департаментни директору болгъан.

Къ. КЪОНАКЪБИЕВ.