Альберт Батыргазиев встретится с экс-суперчемпионом WBA Хесреэлем Корралесом Не имеющий поражений на профессиональном ринге боксер Альберт Батыргазиев сегодня встретится с представителем Панамы Хесреэлем Корралесом. Их поединок состоится сегодня 4 февраля в Москве в рамках третьего всероссийского боксерского форума и предполагает 10 раундов. Для Батыргазиева предстоящий бой станет восьмым среди профессионалов. В предыдущих поединках он неизменно побеждал, при этом пятерых соперников отправил в нокаут. Панамскому боксеру 31 год провел 30 боев, выиграл 26 из них.

Соравлар – жаваплар

– Гиччи хозяйство ачып ишлеме сюемен, пачалыкъны янындан не йимик кёмек этме бола? – Гиччи ва орта хозяйство ачып ишлеме сюеген далапчылагъа «Агростартапны» грантын алма бола. Сабанчы хозяйстволагъа шулай акъча кёмек алма имканлыкъ бар: •5 миллион манат – къара туварны сакълавгъа ва артдырывгъа; •3 миллион манат – къалгъан тюрлю юрт хозяйство малланы болдурмагъа. Шо субсидия бир керен бериле ва акъчаны 18 айны ичинде къоллап битмеге герек. Шону гьакъында билме сюйген адам Дагъыстанны министерлигине яда ерлердеги юрт хозяйство управлениеге сорама бажарыла. Толу кюйде маълуматны шу адрес булан тапма бола: (https://agro-coop.ru/). * * * – Студентлер 2023-нчю йылда нечакъы стипендия алажакъ ва олагъа гёрсетилген кёмеклер бармы? – Студентлеге берилеген бир нече тюрлю стипендиялар бар. Эгер де очно охуйгъанлар экзаменлерин уьч­лер алмай берсе, пачалыкъ академия стипендия бериле. Гьар йыл стипендиялар 4 процентге арта. 2023-нчю йылда оьр охув ожакъланы студентлери учун – 1825 манат, хас орта билим ала­гъанлагъа – 664 манат. Етим ва сакъат яшлагъа яшавлукъ стипендиялар бериле. Илму ишлер юрютегенлеге ва олимпиадаларда ортакъчылыкъ этегенлеге Президентни ва Гьукуматны башчыларыны, шолай да ат урулгъан стипендиялар гёрсетиле. Студентлеге Президентни грантлары да гёрсетиле. * * * – Бир-бир гезиклерде далапчылагъа хапарсыз тергевлер гелип къала. Биз англагъан кюйде, тергевге гелгенче билдирив болма тюшмейми? Иш шолай болса, не этмеге герек? – Гьали, заманлар алышынгъанда йимик, тергевлени билдиреген кюйлер де алышынгъан. Алда гёз алгъа тутулгъан тергевлер булан янаша хапарсыз, федерал ва регион оьлчевдеги тергевлер юрюлмей къалмай. Аслу гьалда ишни санитар ва от тюшювге къаршы ишлени низамын яда загьмат салынгъан кюйню тергемек бола. Тергевлер болажакъны 5 гюн, хапарсыз тергевлени буса 24 сагьат алда билдирме герек. * * * – Биз чебер иш гёрсетеген коллектив къургъанбыз. Гьакимиятны янындан таба якълав тапма болабызмы? – Къайсы коллективге де кёмек этилинмек бар, тек бир башлап шо коллектив оьзюню ишин бир нече йыллар гёрсетип турма герек. Гьакимиятны янындан халкъ яратывчулукъ ва фольклор булан коллективлеге Россияда йылда бермеге деп 100 миллион манат гёрсетилген. Конкурсну Маданият министерлиги юрюте. Эсгерилген акъчаны савлай уьлкеде 15-25 коллективге бермеге гёз алгъа тутула.
Ёлдаш 16:26