«Единая Россия» политика партияны Дагъыстан Республикадагъы бёлюгюню прес-къуллугъу билдиреген кюйде, яшавлукъ къуллукъну масъалаларына гёре кёмек къаравуллап гелген ватандашланы санаву 350 адамдан артыкъ болгъан. Партияны Председатели Д.Медведевни жамият приёмныйында 103 арзагъа къаралгъан. Ерлерде къабул этилген ватандашланы санаву 262 болгъан ва оланы 58-не гьазир кёмек этмеге бажарылгъан. Къалгъанлары да яшавгъа чыгъарылажакъ. Региондагъы Жамият приёмныйны ёлбашчысы Елена Ельникова...

Коронавирус аврувну яйылывуна къаршы оьзлени яшавун къоркъунчлукъгъа салып, гечесин-гюнюн бир этип ишлейген Бабаюрт район больницаны врачларына багъышлап, «Врачлар учун гиччи шатлыкълар» деген рагьмулу чара оьтгерилди. «Биз – бирчебиз» деген клубну ортакъчылары районну яшёрюмлерини ишлерине, маданиятгъа ва спортгъа къарайгъан бёлюгюню ёлбашчылары булан Бабаюрт район больницада болуп, медицина къуллукъчулагъа татлиликлер берип гёнгюн алдылар. Мунда ишлейгенлер оьзлени дос-къардашын,...

Дагъыстанны Башчысы Сергей Меликов 2021-нчи йылны гьасиллерин чыгъара туруп, аслу гьалда адамланы газ булан таъмин этив масъаланы, къурулушда янгы къайдаланы ва инвестицияланы къоллавгъа тергев берди. Шо ишлени юрютмек учун 10,5 миллиард манат гёрсетилген эди. Республикадагъы инвестиция программаланы яшавгъа чыгъармакъ учун  389 къурулушгъа харж гёрсетилген, шолардан 47-си тамамлангъан.   –Россияны Президенти В.Путин Федерал Жыйынгъа этген Чакъырывунда...

Сынавлу невропотолог Элмира Камиловна АБУКОВА Хасавюртда тувгъан. Шагьардагъы 4 номерли орта школаны алтын медальгъа битдирип, Дагъыстан медицина академиягъа тюшген. Интернатураны Калугада оьтгерген. 1988-нчи йылдан бугюнге ерли Хасавюрт шагьардагъы больницаны неврология бёлюгюнде ишлеп тура. Ону булан этилинген лакъырлашывну сизин тергевюгюзге беребиз. – Элмира Камиловна, сиз нечик ойлашасыз, «аврувсуз», «сав адам» къаркъарасына бир тюрлю аврув да къабунмагъан,...

Къызылюрт шагьарда сокъурланы Бютюнроссия жамиятыны ерли къурумуну янында гьаракатчылыгъын гёрсетегенлер де бар. Тюзюн айтсам, Асият Гьасанова шолардан бириси гьисаплана. Асият гьар заманда да бу къурумну янында оьтгерилеген чараланы авур янын оьз бойнуна алып, сёз булан да, иши булан да гелишип болагъан адам.  Бу ерде шулай бир затны гьакъында айрыча эсгерме сюемен. Сокъурлар жамиятны арасында къысылып,...

Яшлар баву – оланы къонгурав кюлкюсю чалынагъан сигьрулу дюнья. Мунда яшлар бир-бири булан гьаллашма уьйренегенден къайры да, язма, санама ва охума башлай. Яшлар баву – къайсы яшны да гиччи дюньясы. Яшлар бавунда оланы юреги булан сюеген ва барына да бир йимик янашагъан адам ишлеме герек. Солтан Янгыюртда шолай адамланы бириси «Дюймовочка» деген яшлар бавуну заведующийи...

Биз бугюн оьзюню гьакъында язмагъа сюеген адам янгыз Къызылюрт районда тюгюл, ондан тышда да белгили. Зайнутдин Атаев 1954-нчю йылда Къызылюрт районну Чонтавул юртунда тувгъан. Яшдан берли аргъан сокъма гьасирет улан 10-нчу класны битдирген сонг, 1973-нчю йыл Дагъыс­тан педагогика институтну музыка факультетине охума тюше. 1977-нчи йыл шо оьр охув ожакъны уьстюнлю кюйде тамамлагъан сонг, Зайнутдин ата...

Адамны загьмат ёлу гьакъында алдын ерли газетлерде язылып чыгъа ва радиодан таба берилишлерде де айтыла эди. Шолай гьаракатчылыгъын гёрсетгенлени арасында юртлу мухбир чонтавуллу Магьаммат Аскеров да бар.  Магьаммат Исабекович 1929-нчу йыл 24-нчю декабр­де сабанчыны агьлюсюнде тувгъан. Магьаммат ­агъавну загьмат ёлун гёзден гечирип къарагъанда, гьар тюрлю ерлерде ишге къуршалгъаны гёрюнюп тура. Къызылюрт райпода, Орджоникидзени атындагъы ерли...

Къайсы юртгъа барсакъ да, абур-сый къазангъан адамлар ёлугъа. Муна Чонтавулда Алюковланы агьлюсю шолайлардан гьисап этиле. Шарапутдин Устарханович ва Екатерина Никитична оьрлюклеге етишип, ата юртуну атын да гёрмекли этген ва оьсюп гелеген яш наслугъа да уьлгю болуп токътай.  Шарапутдин Устарханович 1924-нчю йыл январ айда тувгъан, ону агьлюсю Екатерина Никитична буса ондан бир йыл гиччи. Бу эр-къатын...

Шамил Магьамматович Зай­налов – районунда чы нечик де, савлай республикада да гьюрметли адамланы бириси.  Ол 1946-нчы йылда тувгъан ва оьзюню загьмат ёлун ДГУ-ну битдиргенден сонг «ЧиркейГЭСстрой» деген бирлешивде мастер болуп башлагъан. Асгер борчун кютген сонг, ол мастер-прораб, Къызылюрт шагьарны баш архитектору, Къызылюрт шагьарны партия комитетинде бёлюкню заведующийи болуп ишлей. 1979-нчу йылда 33 йыллыкъ Шамил Магьамматович...