Шо ишлени юрютмек учун 10,5 миллиард манат гёрсетилген эди. Республикадагъы инвестиция программаланы яшавгъа чыгъармакъ учун 389 къурулушгъа харж гёрсетилген, шолардан 47-си тамамлангъан.
–Россияны Президенти В.Путин Федерал Жыйынгъа этген Чакъырывунда 2023-нчю йылда адамланы харжын чыгъармай газ булан таъмин этмекни масъаласын эсгерди, – дей С.Меликов. – Россияны Гьукуматы «Газпромгъа» март айлагъа шо ишни яшавгъа чыгъармакъны ёлларын гьазирлемекни тапшурду. Шо иш кютюлсе, минглер булангъы адамланы яшав гьаллары яхшылашажакъ.
С.Меликов билдирген кюйде, шондан сонг Дагъыстанда газ тартывгъа къарайгъан регио штаб къурулгъан. Шо штабны жыйынларында газлашдырывну масъалаларына нече керен де къаралып тура, мунда газ пайлайгъан станцияланы гючю етишмейгенлик де, шолар ерлешген топуракъ къайсы есликде экени де ёрукълашдырылмагъан. Дагъыстанны Башчысы айтагъан кюйде, газлашдырыв масъала башгъа масъалаланы да чыгъара, мисал этип ол ЖКХ-ны масъалаларын да чыгъарды.
Бугюнге ерли газлашдырывну графиги этилинген, шогъар гёре 218 юртда 2147 уьйге газ тартылма герек. Адамланы арзалары 39 къуллукъ кютюлеген ерлерде къарала, шолай да арзаланы Дагъыстандагъы 43 де МФЦ-ге берме де ярай. Февраль айны башына 1279 арза къабул этилип де битген.
Бу йылгъа газ тартмакъ учун 900 миллион манат гёрсетилип де битген.
