Агьлюде кёбюсю гезиклерде шо гёзел сююв неге сёнюп къала? Къошулгъанча бир-биринден тоюп болмайгъан къыз ва улан, къошулгъанда ят болуп, бир-бирин англамайгъан болуп, бир-бирини къыйынына тынгламайгъан болуп неге къала? Булай айтмакъ, насипли агьлюлер ёкъ да ёкъ деп айтагъаным тюгюл. Насипли агьлюлер, озокъда, бар. Олар дагъы да кёп болсун! Тек насипсиз, татывсуз агьлюлер де аз тюгюл. «Бары...
Инамлыкъ тувдура
Шо ягъындан алгъанда, борагъанлыланы савлукъгъа янашыву хыйлы башгъа юртлулардан къолай гёрюне. Айтагъаным, Гюйдюрмес районну бир юртунда да Борагъан юртда чакъы докторлар ва медицина къуллукъчулар ёкъ. Бу халкъыбызны сабур-саламатлыгъымы, асиллигими яда яшав сынавуну токъташгъанлыгъымы – айтма базмайман. Тек насиби чи дюр экени белгили. Шондан къайры да, йылдан-йылгъа оланы сан яны ва санаву оьсегени бизин сююндюрмей болмай....
Кёкюрек аврув Хасавюрт районда
– Кёкюрек аврувдан Хасавюрт районда авруйгъанлар ва оьлегенлер республикадагъы оьлчевден бир къадар артыкъ. Артдагъы уьч йылны ичинде кёкюрек аврув булан байлавлу гьал бираз ёрукълашса да, гьал яхшылашгъан деп айтма болмайбыз, – дей Хасавюрт районда кёкюрек аврувлагъа къарайгъан баш врач Муса Тажудинович Тутушев. Кёкюрек аврув кёп яйылмакъны себеплерини бириси – гёчювюл политика. Халкъ бир ерден башгъа...
Оьзюн ойлашмайлы,ёлдашларын къутгъаргъан
Гертилей де, шо дав къалмагъаллар башлангъан 1999-нчу йыл, бары да дагъыстанлылар бир къолну бармакъларыдай биригип, душмангъа къаршы гётерилди. Азатлыкъ ва харлысызлыкъ учун бирев де азиз жанын аямады. Къоччакъ уланлар дав дегенде дувлап атлагъа минди, уллудан оькюрюп гелген намартланы токътатды. Амма шо харлысызлыкъ, шо уьстюнлюк дагъыстанлылагъа нечакъы да багьа токътады. Нечесе къоччакъ уланларыбызны, ювукъ адамларыбызны...
Къумукъ къыз Бушра – Тюркияны чемпиону
Къардаш Тюркияда яшайгъан къумукъланы арасында яш спортчу Бушра Мутай деген къумукъ къыз барны билгенде, биз де сююндюк. Бушра Тюркиядагъы Чанаккале деген шагьарда Нуман Мутайны агьлюсюнде тувгъан. Нуман Мутайны аталары 150 йыл алъякъда Дагъыстанны Агъачавул юртундан Тюркиягъа гёчюп гетген. Олар Тюркияда яшаса да, аталарыны ватанындагъы къумукълар булан гьаллашып, къурдашлыкъ юрютмеге бек гьасирет. Шолай байлавлукъну да олар...
Арслан тувгъан уланлар
Оланы шо уьстюнлюгюнден кёплер гьакъ юрекден сююнгенин оьтген сонгугюн, сентябр айны 6-нда, Магьачкъала шагьарда ерлешген «Атлант» деген шатлыкълар юрюлеген залда оьтгерилген мажлис де герти кюйде исбатлады. Шо гюн оьтгерилген мажлисни барышында магъа Исмайыл Гьажиев ва Арслан Зубайыров булан лакъыр этмеге де имканлыкъ болду. Жыйылгъанланы арасындан чыгъарып, къавгъа пуршав этмейген ерде олагъа бир нече сорав бердим....
Агьамиятлы агьвалат
Дагъыстанны халкъларыны Бирлигини гюню, 2011-нчи йылдан башлап, гьар йыл оьтгериле. Шо байрам гюнню оьтгермек деген масъала 2010-нчу йылны декабр айында Дагъыстанны халкъларыны 3-нчю съездинде къабул этилген. 15-нчи сентябр – Дагъыстанны халкъларыны 1741-нчи йылда белгили иран асгер башчысы Надир-шагьны асгеринден уьстюн гелген гюн – дагъыстан халкъланы асрулар боюндагъы дослугъуну белгиси гьисаплана. Дагъыстанны халкъларыны Бирлигини гюню республиканы...
Сергей Ташуев:
«Анжини» баш тренери Сергей Абузеитович Ташуевни Дагъыстангъа гелип бизин команданы башын тутгъанлы береген биринчи уллу баянлыгъы. «Анжи-Аренаны» футбол майданында башлангъан тренировкадан сонг Ташуевни терлеген, къавшалгъан кюю футболистлерден кем тюгюл эди. Шо гьалында Сергей Абузеитович мени булан бир сагьатгъа ювукъ лакъыр этди. Неге бизде ойнама сюймедилер? – Сергей Абузеитович, Кавказда сиз ишлемеген футбол регион ...
Яш кочапланы уллу уьстюнлюгю
Айтагъаныкъ, Китайны Нанкин деген шагьарында август айны 16-ндан тутуп 28-не ерли экинчилей оьтгерилеген яшёрюмлерини олимпия оюнларында къумукъ кочаплар Исмайыл Гьажиев ва Арслан Зубайыров алтын медаллар къазанып къайтды. Исмайыл Гьажиев шо ярышларда тутушуп ябушувдан юрюлген тогъа тартывларда алдынлыкъны алмагъа бажаргъан. Шо уьстюнлюкге ол 46 кило авурлукъда ярышланы онунчу гюнюнде американлы Кейд Оливас деген кочапны 3: 1...
Алдынлылагъа – акъча савгъатлар
Шатлыкъ жыйынны ача туруп, оьрде эсгерилген районну администрациясыны башчысыны заместители Имамутдин Чамсаев физкультураны ва спортну оьсдюрювге байлавлу ерли программа тасдыкъ этилгенин айтды. Шо программагъа гёре, республиканы оьлчевюнде ва ондан тышда оьтгерилген ярышларда алдынлы ерлеге лайыкълы болгъан юртлу спортчуланы, олай да оланы уьйретеген тренерлени якъламакъ учун мекенли чаралар гёрюлегени гьакъда билдирди. Шондан сонг сёз берилген Къарабудагъгент...