Бугюн Украинада болуп турагъан агьвалатларда бизин миллетни абурлу вакиллери де ортакъчылыкъ этегенин эшитгенде, гьали де оьзден адамларыбыз аз болмагъан деген ой тувулуна.

Масала, Бабаюрт район азархананы баш врачы Шигьмагьаммат Дугужев хас асгер чаралар юрюлеген агьвалатларда ортакъчылыкъ этегени эки айдан да узакъ бола. Ол оьзюню касбу бажарывлугъу анадаш ерлеринден эсе, къыргъынлы къаршытурувлар юрюлген ерлерде артыкъму экен деп ойлашып, оьз къаравуна гелген.

Эгер де шонда Шигьмагьаммат йимик уланларыбыз болма тийишли гёре буса, биз тюз ёлдабыздыр ва эрте-геч бизин ата-бабаларыбыз йимик уллу уьстюнлюкню къазанажакъбыз.

Шигьмагьамматгъа буса уьюне эсен-аман, сав-саламат къайтмакъны ёрайбыз. Аллагьгъа аманат болгъур