Арсланбек АЛИБЕКОВ,
Хасавюрт районну башчысы.
Хасавюрт районда, шагьарда ва савлай Дагъыстанда яшайгъанлар! Барыгъызны да етишип гелеген Янгы – 2024-нчю йыл булан къутлайман.
Адатлангъан кюйде, Янгы йылда гьар адамгъа да яшавгъа чыгъармакъ учун янгы умутлар, янгы ойлар геле. Янгы йылда пашманлыкъларыбыз ва къайгъыларыбыз тайып, шатлыкъ ва парахатлыкъ гелсин.
Оьтюп барагъан йылыбыз къыйын буса да, районда бир нече милли проектлеге гёре яхшы ишлер этилди. Юртларыбыз янгырды, адамлагъа имканлыкълар этилди, школалар ва яшлар бавлары ачылды, кёп ишлерде оьрлюклер алдыкъ ва яшавлукъ-экономика яндан яхшы натижалагъа етишдик.
Шо проектлени кютмеге ва гьар якъдан да кёмегин болдургъан Дагъыстанны Башчысы Сергей Меликовгъа да разилик билдиремен.
Къайсы тармакъны алсакъ да, сюйсе о юрт хозяйство болсун, билим берив яда савлукъ сакълав, къурулуш, маданият, спорт, барысындан да район гёрмекли уьстюнлюклеге етишген.
Артдагъы 10 йыл бизин район ишни юрютеген кюйден республикада биринчи ерни алып гелген. Гьали-гьалилерде 2022-нчи йылны гьасиллери чыкъды: натижалы ишлегени учун тюз бойдагъы муниципалитетлени арасында Хасавюрт район къайтара 1-нчи ерни алды. Бу янгыз мени уьстюнлюгюм тюгюл, гьар гюн белин де бюгюп ишлейген районну халкъыны оьрлюгю, оланы намуслу ишлерини натижасы.
Барыгъызны да етишип гелеген Янгы йыл булан гьакъ юрекден къутлайман, 2024-нчю йыл гьар ожакъгъа, гьар адамгъа парахатлыкъны, аманлыкъны гелтиреген берекетли йыл болмакъны ёрайман!
