Янгы йылны алдында башында Дагъыстанны Гьукуматыны председатели А.Абдулмуслимов да булан министрлер «Муратланы ёлкасы» деген Бютюнроссия гьаракатда ортакъчылыкъ этдилер. Шо гьаракатгъа гёре, гьар адам ёлкагъа тагъылгъан яшланы тилевлери язылгъан кагъызланы ала ва оланы муратларын кюте. А.Абдулмуслимов бирче 3 кагъызны алды.
Сувукъмурзагъа хасавюртлу Къанитат — велотренажёр, дербентли Гюнай — уллу гёрсетеген электрон шиша, магьачкъалалы Аманат исси куртка тилеп язгъан. Тез заманны ичинде уьч де яш А.Абдулмуслимовдан шо савгъатланы алажакъ.
–Гиччипавланы умутларын яшавгъа чыгъармакъ булан биз олагъа сююнч ва янгы йылны гьайранлыгъын савгъат этебиз, — дей А.Абдулмуслимов. – Къыйынлы гьалларда яшайгъанлар учун шо уллу кёмек.
Ону биринчи орунбасары Р.Алиев ленингентли 7 йыллыкъ Адамгъа –веломобиль, ону манасгентли тенглиси Абдулмаликге ярыкъ береген стол бережек.
Биревю орунбасары Манвел Мажонц буса Янгы Хушетде яшайгъан 9 йыллыкъ Аминаны ва магьачкъалалы 5 йыллыкъ Багираны тилевлерин кютежек.
Бу гьаракат 2018-нчи йылдан берли оьтгериле ва минглер булангъы адамланы къуршай. Шо гьаракатда Россияны Президенти В.Путин де гьар йыл ортакъчылыкъ эте.
Бизин маълумат.
