Къарабудагъгент райондагъы халкъны яшавлукъ талапларын кютеген центринде Янгы йылны алдында аталары хас асгер гьаракатда ортакъчылыкъ этегенлени яшларына районну башчысы Магьмут Амиралиевни атындан савгъатлар тапшурулду.
Шо гюн Гюлжанат Темирова ёлбашчылыкъ этеген центргъа 100 яш жыйылгъан эди. Яшланы ва оланы аналарыны алдында сёйлей туруп, Магьмут Амиралиев гиччипавланы байрам булан къутлады ва олар аталары булан оьктем болма болагъанны айтды.
– Оланы гьариси игит, Ватангъа къоркъунчлукъ гелгенде бир гёнгюлден дегенлей элни душманлардан сакълама гетген, биз олар булан оьктембиз, – деди ол.
Жыйында ортакъчылыкъ этген «Ватанны якълавчулары» деген жамият къурумну вакили Лайла Багьандова району башчысына баракалла билдирди.
Янгы йылгъы савгъатлар Сирия арап республикадан гелген яшлагъа да тапшурулду.
Бизин мухбирибиз.
