Хоншунга от тюшсе...
Зор совет уьлкебиз тозулуп, бизин къудратлы пачалыгъыбыз бир жамиятдан башгъасына гёчмеге башлагъан базар аралыкълар оьмюр сюреген пакарсыз девюрде талавур булан байынма белсенген тайпалар гьаракатын гючлендирип башлады. Муна бугюн де шо тайпалар ичибизден ва тышдан таба тувулунгъан къувунлу гьалны дагъыдан-дагъы гьакитегени ичингбушдурмай болмай. Шолайлыкъда, алда бир агьлюдей яшав сюрген къардаш халкъланы арасына татывсузлукъ тюше…
Артдагъы гюнлерде Украинада болуп турагъан тюртюшювлер кимге пайдалы ва кимге зараллы? Хоншунга от тюшсе, ялыны сагъа да тиер деген айтывдан хантав къалма ярамай. Шону гьисапгъа алып, бизин пачалыгъыбызны башчылары да къан тёгювлени ва тас этивлени алдын алмакъ учун чаралар гёрюп айланагъаны негьакъ тюгюл.
Биринчилей, давну бары да акъубалары халкъны башына тюше. Айлана якъдагъы жамият-политика гьал четимлеше. Яшавлукъ-экономика масъалалар къыйынлаша. Экинчилей де, баягъы, малдан, акъчадан гёзю тоймайгъан сутурбийлер, баш болмагъа муштарлылар халкъларын отгъа-ялынгъа салып, байлыкъларын артдырма белсене.
Дагъысын айтмагъанда, Россия Украинадан гьар тюрлю промышленный малланы ва шолай да сурсатны сатып ала эди. Гьали буса шондан да магьрюм къалажагъыбыз гёрюнюп тура. Неге десегиз, Россияда производствону янгыртывда имканлыкълар осал къоллана.
Натижада, ич ва тыш инвестициялагъа-харжлагъа харлылыкъ тувулуна. Шондан пайдаланып, гюнбатыш пачалыкъланы вакиллери-инвесторлар да бизин уьлкебизде ва шолай да Дагъыстанда производство предприятиелер къурмакъ учун гёз алгъа тутулгъан инвестиция харжларын къоллама къоймай токътата. Неге десегиз, бугюнлерде манат учузлашып, бир евро 50 манатгъа ва бир доллар 40 манатгъа минип бара…
Гертиден де, бугюнлерде айлана ягъыбызда, дюнья базарларында тувулунгъан гьалланы заралы уллу. Муна шо саялы да давдан улан тувмас деген айтывну гьисапгъа алмай къойма ярамас.
ООН (Бирлешген миллетлени къуруму) Россияны Украинагъа бакъгъан якъдагъы гьаракатын токътатмагъа чакъыра ва Украина оьзюню къысматын оьз халкъы булан чечмеге тарыкъ деген пикруну якълай.
Артдагъы гюнлерде Украинада болуп турагъан тюртюшювлер кимге пайдалы ва кимге зараллы? Хоншунга от тюшсе, ялыны сагъа да тиер деген айтывдан хантав къалма ярамай. Шону гьисапгъа алып, бизин пачалыгъыбызны башчылары да къан тёгювлени ва тас этивлени алдын алмакъ учун чаралар гёрюп айланагъаны негьакъ тюгюл.
Биринчилей, давну бары да акъубалары халкъны башына тюше. Айлана якъдагъы жамият-политика гьал четимлеше. Яшавлукъ-экономика масъалалар къыйынлаша. Экинчилей де, баягъы, малдан, акъчадан гёзю тоймайгъан сутурбийлер, баш болмагъа муштарлылар халкъларын отгъа-ялынгъа салып, байлыкъларын артдырма белсене.
Дагъысын айтмагъанда, Россия Украинадан гьар тюрлю промышленный малланы ва шолай да сурсатны сатып ала эди. Гьали буса шондан да магьрюм къалажагъыбыз гёрюнюп тура. Неге десегиз, Россияда производствону янгыртывда имканлыкълар осал къоллана.
Натижада, ич ва тыш инвестициялагъа-харжлагъа харлылыкъ тувулуна. Шондан пайдаланып, гюнбатыш пачалыкъланы вакиллери-инвесторлар да бизин уьлкебизде ва шолай да Дагъыстанда производство предприятиелер къурмакъ учун гёз алгъа тутулгъан инвестиция харжларын къоллама къоймай токътата. Неге десегиз, бугюнлерде манат учузлашып, бир евро 50 манатгъа ва бир доллар 40 манатгъа минип бара…
Гертиден де, бугюнлерде айлана ягъыбызда, дюнья базарларында тувулунгъан гьалланы заралы уллу. Муна шо саялы да давдан улан тувмас деген айтывну гьисапгъа алмай къойма ярамас.
ООН (Бирлешген миллетлени къуруму) Россияны Украинагъа бакъгъан якъдагъы гьаракатын токътатмагъа чакъыра ва Украина оьзюню къысматын оьз халкъы булан чечмеге тарыкъ деген пикруну якълай.
К. КАРАЕВ.