Жуковну медалы булан савгъатлангъан

Украина бойда оьтгерилип турагъан хас дав гьаракатны барышында ортакъчылыкъ этеген адил­янгыюртлу Элдар Сапаев гёрсетген къоччакълыгъы ва игитлиги саялы, Россия Федерацияны Президенти Владимир Путинни Указы булан Жуковну медалы булан савгъатлангъан.


 

Э. Сапаев Ватанына 18 йылны узагъында къуллукъ эте. Хас дав гьаракат янгы башлангъан вакътиде, Донбасны халкъын украинли миллетчилерден сакъламакъ учун, Элдар къуллукъ этеген сапёр ротаны Украина бойгъа бакъдыра. Ол ёлдашлары да булан Оьр командование салгъан дав тапшурувланы кютювде оьзюн Ватанны патриоту гьисапда гёрсетме бажаргъан.

Гетген йылны ахырында Э. Сапаев къуллукъ этеген рота миномёт атышывгъа тюшюп, Элдар авур яра да ала. Госпиталларда ятып савлугъун къайтаргъан сонг, къысгъа болжалгъа уьюне отпускагъа геле. Савлугъу къолайлашгъан сонг, къайта дав ёлдашларыны янына гете ва дав ёлларын узата.

Алда да Элдар дав тапшурувланы кютювде гёрсетген къоччакълыгъы учун, асгер бёлюкню командованиесини янындан «Асгерде гёрсетген уьстюнлюклери учун» деген медаль булан да савгъатлангъанны эсгермеге тюше. Бугюн де Элдар Сапаев ал сыдраларда оьзюню ватандаш борчун уьстюнлю кюйде кюте, Ватаныбызны аманлы­гъын сакълай ва уьйге уллу уьстюнлюк булан къайтажагъына бир де шеклик этмей.

Авторизация
*
*
Регистрация
*
*
*
Согласны с условиями сайта?
Генерация пароля