Бабаюрт районну Адил Янгыюртундан хас асгер гьаракатгъа гетген къоччакъ улан Аскерхан Арслангереев адамланы яшавуна къоркъунчлукъ гелтиреген гьаллар тувулунгъанда ёлдашларын къутгъаргъаны саялы, «Къоркъунчлу гьалдагъыланы, къутгъаргъаны учун» деген медаль булан савгъатлангъан.
Аскерхан Арслангереев гетген йыл гюзде, асгерге чакъырывну биринчи гюнлеринден тутуп, Украина бойда юрюлюп турагъан хас асгер гьаракатгъа гетген. Запорож областда асгер масалаланы чечеген заманда аягъы авуртгъан, шо саялы ол уьюне къайтмагъа борчлу бола. Къолай болгъан сонг, ол янгыдан ёлдашларыны янына гетген.
Аскерхан Арслангереев эсгереген кюйде, савгъат – алдына салынгъан борчну кютюв учун бериле. Ону ва асгер ёлдашлары учун лап сыйлы савгъат, миллетчилени утуп, уьстюнлюкге ес болмакълыкъ гьисаплана.
Герейхан Гьажиев.
СУРАТДА: Аскерхан Арслангереев
