Алдагъы гюнлерде Хасавюрт районну Яхсай юртунда З. Батырмурзаевни атындагъы орта школасында яшланы ёл юрюшню низамына уьйретеген  гьаракат оьтгерилген.

 

Яшланы ортакъчылыкъ этивю булан болагъан  хатабалагьланы алдын алмакъ муратда юрюлген шо гьаракатны барышында олагъа ёл юрюшню низамы гьакъда оьтгерилген гьар тюрлю сынавлардан ва оюнлардан таба англатыв берилген. Хасавюрт районну билим берив  управлениеси билдирегени йимик, ёл юрюшню низамын  токъташдырагъан белгилени гьарисини маъналары да ачыкъ этилген.

 

Насрулла БАЙБОЛАТОВ.