Яйлыкъ лагер ачыла

Хасавюрт районну билим берив управлениесини къарары булан Эндирейдеги 3 номерли школаны кюрчюсюнде яйлыкъ лагер гьазирленип тура. Бизге гелген кагъызгъа гёре, школада яшлар 50-шерден 2 тирет ял алажакълар.

 

− Бугюнлерде «Феникс» деп ат тагъылгъан яйлыкъ лагерде яшлар ял алсын учун онгайлыкълар болдурула ва биринчи гезикдеги яшлар июль айны башында гележеклер, − деп яза бизге школаны директоруну тарбиягъа къарайгъан орунбасары Барият Гьажимагьамаева. – Аслу гьалда яшлар спорт булан машгъул болма сюегенин билдирген. Гьар сменге тарыкъ болагъан чакъы адамлар да белгиленген. Лагерни директору – Мадина Салавова. Мен –старший вожатый, эки тарбиялавчу ва бирер медицина къуллукъчу ва ашбаз бар.

Яшланы ял алывун эсде къалардай оьтгерме къаст этежекбиз.

 

Авторизация
*
*
Регистрация
*
*
*
Согласны с условиями сайта?
Генерация пароля