Оьтген итнигюн, ноябр айны 13-нде, Хасавюрт районда иш гёреген  «Алдынлыланы гьаракаты» деген  Бютюнроссия бирлешивюню ерли къурумуну форуму оьтгерилген.

 

Эсгерилген  районну  билим берив управлениесини Telegram-каналында билдирилегени йимик, бу чара охув ожакъларындагъы  уланланы ва къызланы къуршап юрюлген. Форумну сиптечилери токъташдырагъангъа гёре, тувуп оьсген элине, халкъына савлай жамиятгъа пайдалы болар йимик яшав къаравларына таъсир этип, оланы англавларын артдырмакъны къасты болдурула. Шону булан  бирге, уланланы ва къызланы гьар тюрлю тармакъларда пагьмусун арагъа чыгъармагъа  болушлукъ да этиле.

 

Насрулла БАЙБОЛАТОВ