Хасавюрт районда оьтген жума яшланы яратывчулугъуну республика оьлчевдеги фестивалы оьтгерилген. Шону Хасавюрт районну администрациясы, маданият управлениеси, ДР-ни маданият министерлиги ва халкъ яратывчулугъуну республика уью булан бирликде оьтгерген.
Белгили экени йимик, Дагъыстангъа «Тавланы эли» деп айтыла геле. Фестивальны ача туруп, Хасавюрт районну маданиятгъа, милли политикагъа ва туризмге къарайгъан управлениесини начальниги Абдулла Абдуллаев оьзлерде яшлар учун къурулагъан булай байрам 14-нчю керен оьтге-рилегенин айтгъан. Ол оьзюню ва фестивальны ортакъчыларыны атындан гьаракатны къурма кёмек этгени учун Хасавюрт районну башчысы Арсланбек Алибековгъа баракалла билдирген. Булай фестиваллар яшланы пагьмуларын арагъа чыгъарагъандан къайры, дослукъну, маданият аралыкъланы беклешдирегенни айтгъан.
Фестивальда Къызлар, Бабаюрт, Къызылюрт, Сергокъала, Хумтор-къали, Хасавюрт районлардан, Южно-Сухокумск, Хасавюрт, Къызылюрт, Къызлар шагьарлардан гелген яшланы яратывчулукъ коллективлери оьзлени пагьмуларын гёрсетген.
Алдынлы ерлени алгъан коллективлер Дагъыстанны халкъ яра-тывчулугъуну республика уьюню дипломларын ва Хасавюрт районну маданиятгъа, милли политикагъа ва туризмге къарайгъан управлениесини савгъатларын алгъан.
Я. БИЙБОЛАТОВ.
