Яшавну маънасын башгъа ерлерде билер

 Шамил Гьасановгъа янгы 19 йыл битген. Гиччи ватанында иш тапмай, къардашыны таклифине гёре, Мурманск шагьаргъа гёчген.

 Озокъда, бир касбугъа да уьйренип ес болмагъан жагьил адамгъа янгы ерде де   юреги тынардай йимик къуллукъну бирев де таклиф этмеген. Шо саялы, гьар тюрлю жинаятчы гюплеге къуршалып, пасат яшавну юрютюп тургъан.

Огъар ерли военкоматдан асгерге чакъырыв гелгенде, хыйлы заман къачып-яшынып тургъан. Ахырда, Ватаныны алдындагъы борчундан къутулмажагъын англагъанда, гече вакъти, област военкоматгъа от салып яллатгъан.

Ш.Гьасанов тутулгъан ва огъар гележекде армияда тюгюл, башгъа ерлерде яшавну агъыны ва гёгюню ахтигин англама тюшежек.