Алдагъы гюнлерде Билим беривню оьсдюрювге къарайгъан Дагъыстан институтунда семинар оьтгерилген. Уьч гюнню узагъында юрюлген семинарны барышында бизин республикада билим беривге байлавлу аслу федерал программаланы яшавгъа гийирив масъаласы арагъа салынып ойлашылгъан.

Шону ишинде бизин республиканы шагьарларында ва юртларында иш гёреген охув ожакъланы ёлбашчыларыны 700-ден де артыкъ заместителлери ортакъчылыкъ этген. Эсгерилген илму-ахтарыв идараны прес-къуллугъу бизге билдирегени йимик, олагъа республикада билим беривню башлапгъы ва оьр класлагъа байлавлу аслу федерал программаларыны ичделиги, шоланы яшавгъа гийиривню ёругъу гьакъда баянлыкъ-аянлыкъ берилген. Шогъар байлавлу ювукъ вакътини ичинде артгъа салмайгъан кюйде билим берив шагьар ва район управлениелер кютмеге тюшеген ишлер малим этилген.