Ярышланы алдынлылары

 

 

Алдагъы гюнлерде Черкесск шагьарда спортну халкъара даражалы устасы Аслан Кожаевни  эсделигине  багъышланып  ябушувну каратэ журасындан оьтгерилген ярышлар тамамлангъан.

 

Бютюнроссия оьлчевюнде юрюлген шо ярышларда, умуми кюйде алгъанда, уьлкени гьар тюрлю шагьарларындан гелген 600-ден де артыкъ спортчу  ортакъчылыкъ этген. Бизин республиканы жыйым командасы гёрмекли оьрлюклеге етишмеге бажаргъан. Дагъыстанны физкультурагъа ва спортгъа къарайгъан министрлигини прескъуллугъу бизге билдирегени йимик, олар шо ярышларда гьар тюрлю  даражадагъы  22 медаль къазангъан.

Ачыкълашдырып айтгъанда, ярышланы финал тиретинде оьзлени тенглилерин енгип, гьариси тюрлю авурлукъларда Тамерлан Хазуев, Роман Даниленко, Арслан Арсланов, Абдулла Гьапизов, Анифе Гьажиева алтын медаллагъа лайыкъ­лы болгъан. Зайнап Гьамзатова, Елизавета Шальнова, Сабина Гулина, Мугьаммат Магьамматов, Сайит Абдухалимов, Фатима Ибеева, Марьям Гьажиева буса гюмюш медаллар  алгъан. Нарима Татамова, Диана Абакарова, Гьамзат Гунашев, Камал Гьажиев, Мелине Хачатрян, Дамир Къайтмазов, Абдурагьман Камилов, Мугьамматали Багьаматов, Мурат Солтанов, Шуана Исаева бронза  медаллагъа ес болгъанлар.

 

Б. АЙБОЛАТОВ.  

 

Авторизация
*
*
Регистрация
*
*
*
Согласны с условиями сайта?
Генерация пароля