«Бирикген Россия» деген политика партияны «Молодая гвардия» бирлешивюню республика бёлюгю Р. Н. Ашуралиевни атындагъы техника коллеж булан бирликде «Яш политика чалышывчуну школасы» деген проектни яшавгъа гийирмеге башлагъан.
Эсгерилген партияны прес-къуллугъу билдирегени йимик, жагьил адамланы гьар тюрлю политика гьаракатланы оьтгеривню ёругъуна тюшюндюрмек яшавгъа гийирилеген шо янгы сиптени алдына салынагъан аслу борчлардан болуп токътай. Шону булан бирге яшланы ва яшёрюмлени гьар тюрлю проектлени яшавгъа чыгъарывну, маълумат къураллар булан байлавлукъ юрютювню къайдалары булан таныш этмек гёз алгъа тутула. Политика агьамияты булангъы чараларда кёп адамланы алдына чыгъып сёйлемеге, олай да гёнгюллю кюйде тюрлю-тюрлю гьаракатлагъа къуршалып иш гёрмеге муштарлы этмек де шо проектни алдына салынгъан аслу муратлардан гьисаплана.
Шо проектни яшавгъа гийиривге байлавлу болуп оьтгерилген ёлугъувну вакътисинде «Бирикген Россия» деген политика партияны республика бёлюгюню ёлбашчысыны заместители Магьаммат Магьамматов чыгъып сёйлеген. Ол оьзюню сёйлевюнде жыйылгъанлагъа бизин уьлкеде сайлавланы оьтгеривню токъташдырылгъан гесимлери гьакъда англатыв берген. Шондан къайры да, гьазирлеген проектлени яшавгъа чыгъармакъ учун белгиленген акъча маяланы къадарын токъташдырывну ва шоланы асувлу харжлавну ёллары гьакъда маълумат берген. «Молодая гвардия» бирлешивюне къуршалгъанлар бугюнлерде Донбасс бойда юрютеген рагьмулукъ гьаракатгъа да ол оьзюню сёйлевюнде тийишли тергевюн берген. Шолай ёлугъувланы политика партияда жагьлы кюйде иш юрютеген оьзгелер де оьтгерген.
Яш политика чалышывчуну школасында» айрыча гьаракатчылыкъ гёрсетген яшлар ва яшёрюмлер жагьиллени парламентине къошмагъа таклиф этилежек. Шондан къайры да, олагъа депутатланы кёмекчилери гьисапда чалышмагъа имканлыкъ берилежек.
Б. АЙБОЛАТОВ.
