Хасавюртдагъы агьвалатлардан сонг, эки жагьил адам  гиччи яшны токъалайгъанын  гёргенде, биз гьали бираз замангъа бусакъ да кайдагъы айтды-къуйтдудан  ял болдукъ, арчылдыкъ деп турагъанда, бизге Интернет гезикли савгьатны тапшурду.

 

Эки къызъяш уллу леззет алып, оьзюнден гиччи къызъяшны токъалай, аягъы, тобугъу  булан тебе. Шону кисе телефонларына чыгъарып турагъан уланъяшлар пысып туралар, гьатта завх этип кюлейлер.

Видеоролик бютюн дюньягъа яйылды. Огъар миллионлар булан адамлар къарады. Биз къайтып яман якъдан данггъа айтылдыкъ. Бизин охув ожакъларыбызда не болуп турагъанны биз билебизми?

Муфтиятны вакили Идрис Асадуллаев шо къызланы атасын чакъыргъан болгъан ва огъар тувра бетине: « Бу гиччи къызгъа мунча оьчлюк къайдан гелген ва къарагъанда ону тарбиялавда сен бир затланы къутгъаргъансан», – деп айтгъан.

 

Алав Алиев