Ватанны Игитлерин сыйлайгъан гюн: Иса СОЛТАНОВ
Совет Союзну Игити Иса СОЛТАНОВ 1917-нчи йылда Гьажимажагьатюртда тувгъан. Охуп 7 класны битдире. Сонг Къазан шагьардагъы автодорожный техникумгъа охума тюше. Шону битдиргенде, Къызыл Армияны сыдраларына чакъырыла. Иса Харьковдагъы танк училищени 1941-нчи йылны август айында битдире, лейтенант чин ала ва училищени Орта Азиягъа чыгъара. Билими бар Исаны буса яш танкистлени давгъа уьйретме сала.
Ол давгъа 1944-нчю йылны башында къуршала. 1-нчи Украина фронтну 4-нчю танк армиясыны 17-нчи гвардиячы бригадасыны 126-нчы танк полкундагъы взводуну командири этилинип белгилене. Янгыз бир давда ол оьзю фашистлени 15 солдатын ва офицерин оьлтюре, 8 пулемёт точкасын токътата, эки тобун ва Т-3 танкын да яллата.
Немислени дагъытывда гёрсетген къоччакълыгъы учун Къызыл Юлдуз орденге гёрсетиле, арадан кёп де гетмей, Дав Къызыл Байракъ ордени булан да савгъатлана. Одер оьзенни гечивде старший лейтенант Иса Солтанов ротаны командирини орнун тута ва немислени 9 танкын, 8 бронетранспортёрун, 18 автомашинин яллата ва 80 немисни де оьлтюре. Шо къоччакълыгъы учун Совет Союзну Игити деген атгъа гёрсетиле. Указ чыгъып, савгъат етишгенче, Иса оьле ва Польшаны Кёбен деген шагьарында гёмюле.
