Ватанны Игитлерин сыйлайгъан гюн: Юсуп АКАЕВ
Къызыл байракълы Балтика флотну Дав-Гьава гючлерини 11-нчи гьужум авиадивизиясыны 47-нчи авиаполкуну 2-нчи авиаэскадрилиясыны командири Юсуп Абдуллабекович АКАЕВ 1922-нчи йылда 14-нчю августда Тёбен Жюнгютейде тувгъан.
Ол фронтгъа 21 йыллыкъ чагъында тюше. Арадан бир йыл да оьтгенче, 1944-нчю йылны июль айына капитан Юсуп Акаев 104 керен учгъан ва оьзю душманны 18 дав гемесин батылтгъан, 3 паровозун, 11 танкын ва башгъа атышагъан савутларын яллатгъан. СССР-ни Оьр Советини Президиумуну Указы булан 1944-нчю йылны 19-нчу августунда немислеге къаршы дав этивде гёрсетген къоччакълыгъы учун Юсуп Акаевге Совет Союзуну Игити деген оьр ат берилген ва «Алтын Юлдуз» медаль ва Ленин ордени тапшурулгъан.
Шолардан къайры да, ол Дав Къызыл Байракъ деген орден булан эки керен савгъатлангъан. Давдан сонг, 27 йыл болагъанда гечинген.
