Буйнакскидеги район администрацияны прес-къуллугъу билдирген кюйде, районну башчысын сайлавлагъа байлавлу жыйын оьтгерилген.
Сайлавларда районну башчысыны къуллугъуна эки адам гёрсетилген болгъан. Биринчиси – районну башчысыны къуллугъун заманлыкъгъа кютюп турагъан Уллубий Ханмурзаев. Экинчиси – ДР-ни юзюмчюлюкге къарайгъан комитетини вакили Шамил Магьамматов.
Ачыкъ сайлавланы гьасиллерине гёре, Уллубий Ханмурзаев Буйнакск районну башчысы этилип белгиленген. Район жыйынны депутатлары ону кандидатурасын бир тавушдан якълагъан.
