Уллу Уьстюнлюкню 78 йыллыгъына

Совет Союзну Игити Ирбайхан БИЙБОЛАТОВ 1912-нчи йылда Османюртда тувгъан. Ол Хасавюртда муаллим курсланы, сонг Грозныйдагъы педагогика училищени битдире. Юртда муаллим, школаны директору болуп ишлей.

1941-нчи йыл Буйнакскидеги асгер училищени битдире ва пулемёт взводну командири этилип белгилене. Ол къоччакъ кюйде дав эте, 2 керен авур яралана. Къызыл Юлдуз орден булан савгъатлангъан Ирбайхан Бийболатов ёлбашчылыкъ этеген батальон Мелитопольну янындагъы давларда яхшы къоччакълыкъ гёрсете. Батальон немислени 19 чапгъынын гери ура, 7 танкын яллата ва 1000-ге ювукъ солдатын оьлтюре.

И.Бийболатов оьзю 18 немисни оьлтюре, Ленинни орденине ва Совет Союзну Игити деген атгъа гёрсетиле. Тек указ чыгъып 3 гюнден огъар оьлю яра тие. Ону аты Мелитопольдагъы, Хасавюрт районну юртларындагъы ва шагьардагъы орамлагъа къоюлгъан.