КЪЫРГЪЫЗЛАР

 

• Ватанны хадири ят эллерде билинер.
• Макансыз адам–тавушсуз бюлбюл.
• Ерин сюймес эл болмас, элин сюймес эр болмас.
• Кёп тюкюрсе, кёл болур.
• Агъа-ини кимде ёкъ, сёйлешмесе, пайда ёкъ.
• Башынг сав къалса, тюклеринг чи оьсер эди.
• Ат алгъанча, эшекге мин.
• Тавну бийигин билме сюйсенг, тавгъа минме.
• Яхшы атгъа – бир къамучу,­ яман атгъа – минг къамучу
• Туякъ тулпарны сакълай, тулпар эрни сакълай, элни эр сакълай.
• Атынг барда ер таныр, атанг барда эл таныр.
• Гьар кимники – оьзюне, ай гёрюнер гёзюне.
• Гьар кимни тувгъан ери Мисирдир.
• Ёкъну ёкъ излегенде табар.
• Ёкъгъа амал ёкъ.
• Чакъыргъандан къалма, оьзюнг басып барма.
• Тувра сёз тувгъанына ярамас.
• Душманынг сув берсе, досунгдай гёр.
• Бала оюндан тоймай, ана юхудан тоймай.
•  Къызны уьйде къылыгъы сакълай.
• Ата баласы–тон ягъасы.
• Туягъы бютюн тулпар ёкъ, къанаты бютюн жымчыкъ ёкъ.
• Хозгъалмай ятып оьлгенче, хозгъалып ятып оьл.
• Къолундан иш, тилинден сёз къачып къутулмас.
• Дос ачувланса, бергенин алар.
• Девлет гелсе, эт басар, тарчыкълыкъ гелсе, бит басар.
• Девлет дёгерек болар, тарчыкълыкъ япалакъ болар.
• Уллусу гийгенни гиччиси де гиер.
• Итингни сыйласанг, халинге чычар.
• Къутургъан ит есисине гьаплар.
• Акъ ит, къара ит–барысы да бир ит.
• Яхшы игит элин кёкге чююрер, яман игит элин кёрге гийирер.
• Агьмакъ досдан, гьакъыллы душман артыкъ.
• Билеги зор бирни йыгъар, билими зор мингни йыгъар.
• Арыкъ танагъа уллу мююзлер негер тарыкъдыр?
• Къызгъа – къучакъ, душмангъа – бичакъ.
• Яхшы аш къалгъанча, яман къурсакъ ярылсын.
• Чакъырылмагъан къонакъ сибирилмеген ерде олтурар.
• Къыз заманда къыз эди, яман къатын къайдан чыкъды?
• Къызны гёзю къызылда.
• Тил мени тувгъаным, тил мени душманым.
• Тиш барда таш чайна, тиш тюшгенде аш къайда?
• Тиши чыкъгъан балагъа чайнап-чайнап аш бермес.
• Бай – къойлары булан, ярлы ойлары булан макътанар.
• Къайгъысыз адам сувдан да семирер.
• Къычыву гетер, къылыгъы гетмес.
• Ач къаргъа ташны чокъур.
• Гьакъыллыны алдына тюш, тек абдалны артына тюшме.
• Кёп берген, кёп алар.
• Къартны макътаву – сакъалда, яшны макътаву – гьакъылда.
• Къол булан ишлетген аркъасы булан гётерер.
• Гече къалмай сёзден тоймас, сюек гемирмей этден тоймас.
• Къыз – къонакъ.
• Дос дос булан эришсе, душманлары  сююнер.

 

Гьазирлеген Паху ГЬАЙБУЛЛАЕВА.