Тилевюн къабул этмеген

 

Дагъыстанны Оьр судунда Къарабудагъгент районда турагъан И.Къаранаевни уголовный ишине къаралгъан.

 

Ол машинин эсирген кюйде гьайдап, адамны уруп йыгъып оьлтюрген деп айыплана. Ондан къайры, ол машинин токътатып, адамгъа кёмек этмеге къарамагъан, агьвалат болгъан ерден къачгъан.

Къарабудагъгент район суд  жинаятчыны 5,5 йылгъа  эркинликден магьрюм этмек деген къарар чыгъаргъан болгъан. Оьлген адамны дос-къардашы шо къарар булан рази болмагъан ва Оьр судгъа берген.

Судгъа чакъырылгъан И. Къаранаев этген ишине мюкюр болгъан. Сайки, шо гюн къурдашлары булан пиво иче болгъан. Ёлда адамны уруп йыкъгъанда ари гетип,  эрши иш этгенни англап,  агьвалат болгъан ерге къайтып гелген ва шонда биревню де тапмагъан. Судгъа оьзюне языкъсынып янашмакъны тилеген.

Оьр суд И.Къаранаевни 7 йылгъа эркинликден магьрюм этмек деген къараргъа гелген.

 

Алав АЛИЕВ.

 

Авторизация
*
*
Регистрация
*
*
*
Согласны с условиями сайта?
Генерация пароля