2014-нчю йыл Сочи шагьарда оьтгерилежек къышлыкъ Олимпиада ачылма беш айдан да аз къалгъан. Шо уллу дюнья даражасындагъы спорт байрам ачылгъынча Олимпия факелни Россияны кёп шагьарларындан гётерип оздуражакъ.
Савлай Россияны ичинде факелни гётерип оздурмакъ учун белгили спортсменлер, тренерлер, спортну ветеранлары сайлангъан. Хасавюрт шагьардан факелни гётерип бешев оздуражакъ. Амирбек Богьатов – фехтованиеден СССР-ни спортуну устасы, Дагъыстан Республиканы физкультурасыны ва спортуну ат къазангъан къуллукъчусу, бугюн шагьар администрацияны спорт управлениесини начальниги. Ол тренер гьисапда спортну устасына 15 кандидат гьазирлеген. Миллети – къумукъ.
Рима Исаева – шагьардагъы Расул Гьамзатовну атындагъы китапхананы белгили бийивчюсю ва спортсменка. Бираз алда Рима Анапа шагьарда къатынгишилени арасында оьтгерилген спортну фестивалында «Аривлюк, гючлюлюк, исбайылыкъ» деген номинацияда биринчи болуп къайтды. Миллети – къумукъ.
– Олимпия оюнланы факелин гётерип оздурма кимге де насип болмай. Шагьардан оланы арасына мени де къошгъангъа бек сююндюм. Айтагъаным, тарихге гирдик, – дей Рима Исаева.
Уьчюнчюсю – авур атлетикадан белгили тренер Олхозур Элмурзаев. СССР-ни спортуну устасы. Миллети – мычыгъыш.
Дёртюнчюсю – Имампаша Умаханов Гьамит Гьамитовну атындагъы спорткъаланы директору, тхэквондодан тренер болуп да ишлей. Миллети – аварлы.
Бешинчиси – Сайида Мирзабегова – авур атлетикадан Дагъыстанны беш керен чемпиону, Россияны чемпионатында гюмюш медаль къазангъан. Темиркъазыкъ-Кавказ федерал округну эки керен чемпиону. Миллети – аварлы.
– Дагъыстанда бугюнге факелни оздуражакъ 60 адам белгиленген. Каспийскидеги Али Алиевни атындагъы спорткъаладан башлап, Магьачкъаладагъы Ленинни атындагъы майдангъа ерли факелни къолуна тутуп оздуражакъ. Гьар адам 150 метр чабажакъ, – дей спорт министерликни баш специалисти, енгил атлетикадан спортну устасы Ольга Горлова.
Суратда: факелни оздуражакълар (ортада акъ форма булан) А.Богьатов ва (онг янында) Р. Исаева.
Автор чыгъаргъан сурат.
Савлай Россияны ичинде факелни гётерип оздурмакъ учун белгили спортсменлер, тренерлер, спортну ветеранлары сайлангъан. Хасавюрт шагьардан факелни гётерип бешев оздуражакъ. Амирбек Богьатов – фехтованиеден СССР-ни спортуну устасы, Дагъыстан Республиканы физкультурасыны ва спортуну ат къазангъан къуллукъчусу, бугюн шагьар администрацияны спорт управлениесини начальниги. Ол тренер гьисапда спортну устасына 15 кандидат гьазирлеген. Миллети – къумукъ.
Рима Исаева – шагьардагъы Расул Гьамзатовну атындагъы китапхананы белгили бийивчюсю ва спортсменка. Бираз алда Рима Анапа шагьарда къатынгишилени арасында оьтгерилген спортну фестивалында «Аривлюк, гючлюлюк, исбайылыкъ» деген номинацияда биринчи болуп къайтды. Миллети – къумукъ.
– Олимпия оюнланы факелин гётерип оздурма кимге де насип болмай. Шагьардан оланы арасына мени де къошгъангъа бек сююндюм. Айтагъаным, тарихге гирдик, – дей Рима Исаева.
Уьчюнчюсю – авур атлетикадан белгили тренер Олхозур Элмурзаев. СССР-ни спортуну устасы. Миллети – мычыгъыш.
Дёртюнчюсю – Имампаша Умаханов Гьамит Гьамитовну атындагъы спорткъаланы директору, тхэквондодан тренер болуп да ишлей. Миллети – аварлы.
Бешинчиси – Сайида Мирзабегова – авур атлетикадан Дагъыстанны беш керен чемпиону, Россияны чемпионатында гюмюш медаль къазангъан. Темиркъазыкъ-Кавказ федерал округну эки керен чемпиону. Миллети – аварлы.
– Дагъыстанда бугюнге факелни оздуражакъ 60 адам белгиленген. Каспийскидеги Али Алиевни атындагъы спорткъаладан башлап, Магьачкъаладагъы Ленинни атындагъы майдангъа ерли факелни къолуна тутуп оздуражакъ. Гьар адам 150 метр чабажакъ, – дей спорт министерликни баш специалисти, енгил атлетикадан спортну устасы Ольга Горлова.
Суратда: факелни оздуражакълар (ортада акъ форма булан) А.Богьатов ва (онг янында) Р. Исаева.
Автор чыгъаргъан сурат.
