Террорчулукъну 27-нчи октябрде Каспийск шагьарда «Новые формы терроризма. Методы и способы противодействия в современных условиях» деген аты булангъы регионара илму конференция оьтгерилди. Дагъыстанны маълумат ва печат агентлигини сиптечилиги булан юрюлген конференцияда Дагъыстанны иш къурумларыны жаваплы къуллукъчулары, маълумат къуралланы ёлбашчылары, алимлер ва экспертлер ортакъчылыкъ этди.
Конференцияны Дагъыстанны маълумат ва печат агентлигини бёлюгюню начальниги Рустам Жалакъов юрютдю ва гезиги булан ортакъчылагъа сёз де берди.
«ИКЦ» деген къурумну ёлбашчысы Мухтар Амиров Интернетни торунда юрюлеген ялгъан маълуматлар (фейк) бир ерден башгъа ерге етишгенче нечик алышынагъанны ва ахырда адамланы арасында эришивлюк, питне салагъанны айтды.
Шолай да, онлайн къайдада конференцияда россиялы политолог ва дин алим Яна Амелина да ортакъчылыкъ этди. Ол адамланы арасына питне салагъанланы янгы технологияларыны гьакъында хабарлады.
Оьтгерилген конференцияны гьакъында толу кюйде «Ёлдаш» газетни гелеген номеринде охума боласыз.
