Террорчулукъну алдын алыв арагъа салынды

 

Алдагъы гюнлерде Дагъыстан Республиканы пачалыкъ маълумат къуралларыны журналистлерини ортакъчылыгъы булан семинар оьтгерилди. Эсгерилген семинарны темасы террорчулукъну алдын алывда маълумат къуралланы болушлугъу булан яшёрюмлеге таъсир этивню масъалаларына байлавлу эди. Семинарны «Вектор» деген центрны директору Ханжан Къурбанов юрютдю.

 

Х.Къурбанов гьар редакцияда экстремизм, миллетчилик, сепаратизм темаланы ахтарып, тюз кюйде англатып болагъан, политикада яхшы англаву булангъы журналист болмагъа гереклигин эсгерди.

Семинарда ортакъчылыкъ этген яшёрюмлени ва яшланы жамият-пачалыкъ гьаракатыны Дагъыстан бёлюгюню председателини заместители Диляра Гьасанова эсгерилген гьаракатны гьакъында маълумат бере туруп, охувчу яшланы пагьмуларын арагъа чыгъармакъ учун этилеген ишлени гьакъын­да хабарлады. Ону айтывуна гёре, бугюнлерде школа чагъындагъы яшлар учун далапчылыкъдан олимпиада оьтгериле. Д.Гьасанова оьзюню сёйлевюнде террорчулукъну алдын алыв чараланы мукъаятлы оьтгермек учун маълумат къураллар республикада болагъан яхшы ишлени, пагьмулу яшланы гьакъында генг кюйде маълуматлар бермеге герекни де эсгерди.

 

Авторизация
*
*
Регистрация
*
*
*
Согласны с условиями сайта?
Генерация пароля