Сыйлы Къуранны къол языв Китабы

 

 

Бугюнлерде Магьачкъаладагъы Дослукъну уьюне рес­публиканы шагьарларындан, юртларындан гелип кёп халкъ жыйылгъан эди. Мунда бусурманлагъа сыйлы болгъан Къуранны 4 ай ва он тогъуз гюнню ичинде къол булан язылгъан китабы малим этилди. Ону Паравул юртлу Сулеймен Аширлаев язгъан. Ол жыйылгъанлагъа китапны уьстюнде нечик ишлегенни гьакъында хабарлады. Китапны авурлугъу – 50 кило.

 

Бу китап кёп тюрлю конкурсларда Орта Азияда, Уьзбекистанда, Бухарада ортакъчылыкъ этип, биринчи ерни алгъан. Малим этивню вакътисинде Дагъыстанны муфтиси М. Абдуллаев булай китапны язмакъны нечик уллу маънасы барны айтды ва дагъы да пайдалы ишлени узатмакъ учун авторгъа савлукъ, саламатлыкъ ёрады.

Дагъыстанны милли политикагъа къарайгъан министри Э.Муслимов бу китап Дагъыс­танны миллетлерин бирден-бир сыкълашдырма, дослугъун артдырма кёмек этежекни эсгерди. Къарабудагъгент районну башчысы М.Амиралиев де оьзюню сёйлевюнде районну юртларындан, айрокъда Паравулдан мунда кёп халкъ гелгенни ва Сулеймен Аширлаев этген бу пайдалы ишден сююнегенин, оьктем бола­гъанын эсгерди. Паравулну имамы Абдулла гьажи де оьзю башына тюшюп юртлулар булан бу юрюлеген марипатлы ишде ортакъчылыкъ этме кёп сююп гелгенни айтды. Мунда гелген паравуллулар бу агьвалатгъа айрыча агьамият берип, юзлеринде шат иржайыв булан айланагъаны гёрюнюп тура эди.

 

Гьажи АЙГУМОВ,

СУРАТДА: С.Аширлаев – язгъан китабы булан.

 

Авторизация
*
*
Регистрация
*
*
*
Согласны с условиями сайта?
Генерация пароля