• Охув ожакъда

Бугюнлерде Сувну бютюндюнья гюню белгиленди. Къарабу-дагъгентдеги «Юлдуз» деген яшлар бавунда шогъар багъышланып, «Сув демек – сигьручу демек» деген гьаракат оьтгерилди.

Эсгерилген яшлар бавуну тарбиялавчусу И. Вагьитованы къасты булан яшлар гьаракатны бютюн махлукъгъа да сув йимик сыйлы ниъматны некъадар агьамиятлыгъы бар экени гьакъда билдилер. Шондан къайры да, Инсаният Алавутдиновна оьтгереген гьар тюрлю сынавланы кёмеги булан сувну сигьрулу гючю яшлагъа малим этилди. Ер юзюню аслам пайын сув, демек, кёллер, оьзенлер, денгизлер ва океанлар елегени гьакъда айтылды.

Сонг яшлар ёммакъны кёп аламатлы аламына гирип, рагьмулу ва уьлгюлю игитлени гючю булан сигьрулу вилаятында яшайгъанлагъа сувну къайтармагъа кёмек этдилер. Ондан къайры да, гиччипавлар бабиш балагъа янгур нечик явагъанын англатып берди. Яшлар оьзлени тарбиялавчусуну къасты булан юрютген бир тюрлю сынавланы натижасында сувну энемжаясыны бары да ренклерине боялгъан салют гьисапда якъ-якъгъа чачыратдылар.