Дагъыстан Республиканы территориясында ерлешген асгер бёлюклени гьюрметли асгер ва ватандаш къуллукъчулары! Гьюрметли дагъыстанлылар! Аявлу бизин ветеранлар!
Сизин Ватанны якълавчусуну гюню булан къутлайман!
Бу байрам бизин Ватангъа багъышлангъан адатларыбызны гертилиги булан исбатлана, Россия пачалыгъы девюрлер бою ватандашларыны къайратлы къоччакълыгъы ва иш уьстюнлюклери булан токъташгъанын эсге сала.
Дагъыстанлылар Ватангъа бакъгъан гьалаллыкъны кёп керенлер дав майданлардагъы къоччакълыкълары булан да, парахат яшавдагъы уьстюнлюклери булан да аян этген. Бизин борчубуз – девюрден-девюрге де шо тарихи эсделиклени юрюте гелмек, бизин якълылар фашист елевчюлени дагъытма болгъанны эсге гелтире туруп, жагьиллени арасында патриот ругь болдурмакъ. Бу йыл бизин уьлкеде Кавказ учунгъу ябушувда уьстюн гелгенликни 80 йыллыгъы белгиленежек. Шо дав агьвалатлар Уллу Ватан давда биз етишген Уьстюнлюкню де ювукълшдырма кёмек этген. Биз о гьакъда бир заманда да унутмажакъбыз. Олар тарыкълы заманда юреклеринден бир де тавакаллыкъны тайдырмай тёш берип Ватанын якълагъан.
Бугюн де биз тарихи девюрлени къыйынлы заманларына гёчгендей, савлай Европа, дюньяны яртысы да бизге къаршы туруп иш гёрегенни гьис этебиз. Башкомандующий Владимир Путин де айтгъанлай: « «Леопард» танклар булан бизин бугюн де къоркъутма сюе. Гитлерни ва бендеровчуланы къоллары булан бизин булан ябуша».
Биз, нечакъы къаршылыкълар тувулунса да, оьз Ватаныбызны якълама тарыкъбыз. Бизин мурадыбыз – халкъ оьзюню бирлиги, пагьмусу ва къайратлы загьматы булан гёрмекли уьстюнлюклеге етишмек. Бугюн бизин минглер булангъы хас операцияны ал сыдраларында токътагъан асгер къуллукъчуларыбыз Ватанны якълавну адатлангъан ёлларын узата.
Гьюрметли дагъыстанлылар, сизге ачыкъ кёк, инамлы къурдашлыкъ, Россияны якълав йимик асил гьаракатда янгы оьрлюклер ёрайман.
Къой, сизин яшавугъуз эсде къалар йимик агьвалатлардан, юрютеген касбугъузда етишежек уьстюнлюклерден толсун. Сизин уьйлеригизде парахатлыкъ ва аманлыкъ болсун.
Дагъыстан Республиканы
Башчысы С. МЕЛИКОВ.
