Кёп йылланы узагъында савлукъ сакълав идараланы гьалына тергев осал болуп турду. Бир-бирлерини гьалы аврувну уьстюне аврув къошагъан кюйде эди.
Артдагъы йылларда гьал алышынды, гьатта Дагъыстанны тав бойла-рындагъы идараланы да ярашдырыв башланды, ичлери янгы медицина техника булан ясандырылды. Бир-бир йылларда больницаларда этилеген къуллукъланы акушер пунктларда этмеге де имканлыкълар тувулунду.
«Дагъыстан Республикада савлукъ сакълавну биринчи бёлюгюн ян-гыртыв» деген пачалыкъ программагъа гёре, ювукъда 87 фельдшер-акушер пунктлар (ФАП), амбулаториялар ва больницалар салма гёз алгъа тутулгъан. Шо гьакъда Дагъыстанны Гьукуматыны гезикли генгешинде ону Пред-седатели А.Абдулмуслимов билдирди.
Бу йыл 575 миллион манатгъа 27 имарат къурулажакъ. Эсгерилген имаратлар Магьачкъала, Буйнакск, Къызылюрт шагьарларда, шолай да Акъуша, Ахты, Бабаюрт, Ботлих, Буйнакск, Дахадаев, Гьайдакъ, Къара-будагъгент, Къызылюрт, Къызлар, Лак, Сулейман-Стальск, Табасаран, Тару-мов, Тлярата, Унцукул, Хасавюрт, Шамил, Хунзах районларда къурулажакъ.
Бизин мухбирибиз.
