Тутушуп ябушувдан бизин республиканы жыйым командасы гене де къайтып Россияны Кубогуна ес болгъан. Ачыкълашдырып айтгъанда, Москва областны Раменск шагьарында юрюлген ярышланы финал тиретинде дагъыстанлы кочаплар Красноярск крайдан гелген спортчулардан  уьст гелген.

 

Дагъыстанны жыйым командасына къуршалып, ябушув халчагъа чыкъгъан Муса Мегьтиханов, Гьажимагьаммат Гьажиев, Гьажимурат Омаров, Гьажимурат Рашитов, Камил Абдулвагьабов, Дибир Магьамматов, Жамал Агьматудинов, Абдулла Абдулгьасанов, Рамазан Шагьбанов ва  Гьамзат Алижудинов  бизин республикагъа кочапланы эли деп айтыла гелегенин  бирдагъы да гертилеген.

 

Б. АЙБОЛАТОВ.