Расул Гьамзатовну 100 йыллыгъына

Москвада, Федерация Советинде Расул Гьамзатовну гюнлери ачылды. Шогъар байлавлу чарада Федерация Советини председатели Валентина Матвиенко, Россияны вице-премьери Татьяна Голикова ва Дагъыстанны Башчысы Сергей Меликов ортакъчылыкъ этдилер.

 Олар башлап белгили шаир Расул Гьамзатовну 100 йыллыгъына багъышлангъан китап бёлюкде болдулар. Дагъыстанны маълумат ва печат агентлигини ёлбашчысы Абдуразакъ Жамалутдинов билдирген кюйде, Дагъыстанны халкъ шаирине багъышлангъан стендде савгъат китаплар, суратлар ва альбомлар ерлешдирилген. Олар аслу гьалда шаирни юбилейине чыкъгъан «Расул Гьамзатов», «Сайламлы асарлары», «Тавда мени юрегим» деген китаплагъа, шолай да «Цададан чыкъгъан кавказлы» деген сурат альбомларына да оьр багьа бердилер.

Федерация Советни жыйынында Дагъыстанны Язывчуларыны союзуну председатели, Дагъыстанны халкъ шаири Марина Агьматова Р.Гьамзатовну яшав ёлуну ва дюнья оьлчевдеги адабиятгъа этген къошумуну гьакъында айтды.

Марина Анатольевна шаирни сёзлерин эсге гелтире туруп, орус тилсиз ол бир авулну, рес­публиканы шаири болар эди деди, ону Владимир Солоухин, Наум Гребнев ва Яков Козловский бек уста кюйде гёчюргенни ва элге белгили этгенни айтды.

– Расулда орус адабиятгъа бакъгъан якъдагъы ва шаирлик гьислени атасы Цадаса уятгъан, ол буса узатгъан, – дей Марина Агьматова. – «Мени китапларымны эки анасы бар», – дей эди сёзге итти ва бек пагьмулу Расул. Дюнья оьлчевдеги шаир булан ёлукъгъаныма, ону булан 30 йыллагъа ювукъ бир союзда ишлегенге ва ону асарларын орус тилге гёчюрме имканлыкъ бергени учун къысматыма разимен.

Валентина Матвиен­ко гьакъ юрекден айтылгъан сёзлери учун М.Агьматовагъа разилик билдирди.

 

Авторизация
*
*
Регистрация
*
*
*
Согласны с условиями сайта?
Генерация пароля