Дагъыстанда яшайгъан бары да бусурманланы етишип гелген Рамазан ай булан гьакъ юрекден къутлайман. Бу Сыйлы Рамазан айны асруланы боюнда юрюлюп гелеген мердешлери бизин уьлкени оьзлер булан оьктем болмагъа гьакъы бар бир де тюгесинмежек ругь ва маданият байлыгъы гьисаплана.
Бусурманлар кёпден гёзленген шо айны инг яхшы асил гьислер булан къаршылай. Рамазанны вакътиси гьар кимни де ругь ва къылыкъ якъдан камилликге элтеген, Яратгъан Есибиз кёп сюеген хыяллагъа байланып, инсаплы ишлер этилеген, иманны беклешдирмек, яшавгъа чыгъаргъан гьаракатланы гёзден гечирип, тюз гьасил чыгъармагъа имканлыкъ береген, чыдамлыкъны, бир-биревню языкъсынывну, парахатлыкъны ва юрек яллыкъ гелеген айы гьисаплана.
Шо оьрде айтылгъан инг асил къылыкълар бу савлай жамиятгъа къыйын девюрде бизин бирлешдирип де геле. Бугюнлерде болуп турагъан агьвалатлар бирдагъы керен де Россияны гючю – ону кёп миллетли халкъында, адамланы бирлешегени ва тувуп оьсген элине гьатсыз сюювю экенин гертилей.
Дагъыстанны бусурманларыны ругьани управлениесине, гьакъ юрекден инсаплы ишлени яшавгъа чыгъармагъа белсенгенлеге, гючсюзлеге ва чарасызлагъа кёмекге етишегенлеге, янгыз оьзлени якълыларын тюгюл, тарыкъ болса, кимге де къолун узатагъанлагъа гьакъ юрекден оьзюмню разилигимни билдиремен.
Къой, шу ярыкъ Рамазан ай гьар уьйге де татывлукъну ва сююнчню, бир-биревню англайгъанлыкъны, рагьатлыкъны, аманлыкъны ва берекетни гелтирсин! Сизге яхшы савлукъ, парахатлыкъ ва этмеге урунагъан гьар асил ишигизде оьрлюклер ёрайман!
Дагъыстан Республиканы Башчысы Сергей МЕЛИКОВ.
