Хамисгюн, 14-нчю апрельде, Магьачкъала табиатны къоруйгъан районара прокуратурада газетлени, журналланы вакиллери булан прес-конференция оьтгерилди. Шонда Магьачкъаладагъы табиатны къоруйгъан районара прокурору, юстицияны старший советниги Максим Макашов, Дербентдеги табиатны къоруйгъан районара прокурору, юстицияны ойчусу Михаил Лихачёв, Темиркъазыкъ Каспий табиатны къоруйгъан прокурору юстицияны ойчусу Олег Осипов ва оьзге къуллукъчулар ортакъчылыкъ этдилер.
Максим Макашов журналистлер булан саламлашып, бу ёлугъувну Волжский табиат къорув регионара прокуратураны гюнюню алдында оьтгерегенни айта туруп, оьзлени къуллукъчуларына багъышлангъан къысгъаракъ видеофильм гёрсетди.
Прокурор Максим Макашов белгилеген кюйде, Волжский регионара табиатны къоруйгъан прокуратура 1990-нчы йылны апрель айыны 27-синде СССР-ни вакътисинде генеральный прокурорну буйругъуна гёре къурулгъан. Шогъар Россияны 17 субъекти гире. Бизин оьрде эсгерилген 3 де прокуратура гетген 2021-нчи йыл сентябр айны 20-сындан тутуп оьзюню ишин башлагъан.
Прес-конференцияда табиатны къорувуна байлавлу ихтиярлар бузулагъанына ва кемчиликлер къутгъарылагъанына байлавлу сёз юрюлдю. Шо гьакъда гелеген номерде толу берилежек.
П. ГЬАЙБУЛЛАЕВА.
СУРАТДА: прес-конференцияны вакътиси.
