Петербургну театры – Магьачкъалада

 

 

Ноябр айны 20-сында  Петербургну «Балтийский дом» деген театры Магьачкъалагъа гелген. Театрны генеральный директору  Сергей Шуб М.Горькийни атындагъы орус театрны бинасында пресс-конференция оьтгерген.

 

Оьзюню сёйлевюнде ол бу театр алда Ленинчи комсомолну атын юрютюп тургъанны ва дюнь­ягъа аты белгили режиссёр Георгий Товстоногов 1949-нчу йылдан башлап ишлегенин айтгъан. Ол эсгерген кюйде, гьали театр атын «Балтийский дом» деп юрюте. Йылда 200-ден де артыкъ спектакллер сала, 5-6 янгы спектакллени де гёрсете. Милли театрланы фестивалын ва «Балтийский дом» деген  уллу театр фестивальны, дагъы да дёрт халкъ­ара фестивалланы къургъан. Дагъыстанлылагъа театр бир нече спектакллени гёрсетежек.

Оьзлеге къонакълай тюшген Петербургну театрыны гьа­къында Э.Капиевни атындагъы Лак театрны чебер ёлбашчысы Бадрижат Магьамматгьажиева айтгъан кюйде, РФ-ни маданият министерлигини программа­сына гёре юрюлеген театрны бизин республикагъа этген бу сапарын «Росконцерт» деген бирлешив къургъан.

 

Я. БИЙБОЛАТОВ.

СУРАТДА: конференцияны вакътиси.

 

Авторизация
*
*
Регистрация
*
*
*
Согласны с условиями сайта?
Генерация пароля