Оьрлюк алгъанлагъа − разилик

Къаягент юртну спорт къаласында илмуланы доктору, профессор Шейх Исмайыловну эсделигине багъышлангъан спорт ярышлар оьтгерилди. Шоларда Къарабудагъгент, Бабаюрт, Къаягент районланы юртларындан, Избербаш, Дербент, Магьачкъала, Хасавюрт шагьарлардан гелген 70-ден артыкъ тутушуп ябушувну усталары ортакъчылыкъ этдилер.

Яшёрюмлени ва оьрюм яшланы арасында 8 авурлукъда сав гюнню узагъында юрюлген тогъатартывларда халчаны герти усталары оьзлени бажарывлугъун гёрсетдилер. Янгыз 68 кило авурлукъда Россияда 2-нчи болгъан Ш. Абакаров (Дербент шагьар), Россияда 3-нчю болгъан М. Къазаватов (Къаягент юрт), Дагъыстан ярышларында уьстюнлю ябушгъан И. Мугьутдинов, Э. Амирарсланов ва оьзгелери ортакъчылыкъ этди. Оьзге авурлукъларда да белгили яш кочаплар Россияны чемпиону М. Пайзуллаев (Къаягент район, Янгывикъри юрт), М. Гьажимуратов, А. Ибрагьимов, М. Арсланбеков (Къаягент район, Къаягент юрт) усталыгъын гёрсетдилер.

Ярышланы ачылывунда, савгъатлар тапшурувда Къаягент муниципал къурулувуну башчысы М. М. Элдерханов, Дагъыстанны Халкъ Жыйыныны депутаты М.Ш.Исмайылов, Къаягент районну гьюрметли ватандашы И.Гь.Исмайылов ва оьзге сыйлы къонакълар ортакъчылыкъ этдилер.

Оланы гьариси яш спортчулагъа гележекдеги гьар тюрлю даражалардагъы ярышларында ортакъчылыкъ этмеге ва уьстюнлюклер къазанмагъа савлукъ ёрадылар. Ярышланы оьтгеривню сиптечилери Шейых Исмайыловну агьлюсюне ва олагъа кёмек къолун узатгъан къурдашларына гьакъ юрекден разилигин билдирдилер.

Авторизация
*
*
Регистрация
*
*
*
Согласны с условиями сайта?
Генерация пароля