Орден булан Савгъатлангъан

 

 

«Бир касбу бар — Ватанны якъламакъ!». Бу бек уллу игитликни гьакъындагъы совет кинодан алынгъан сёзлени таъсирини тюбюнде бизин уьлкени нече-нече наслудагъы эргишилери оьсген. Украина бойдагъы хас асгер гьаракатны ортакъчысы, Бабаюрт районну Герменчик юртундан Арслан Давутов да шо пикругъа геле. Асгер бёлюгюне ол гёнгюллю кюйде гетген. Ол «Агьмат» деген хас асгер бёлюкге чыгъып, асгер борчун онда давам эте.

 

Хас асгер гьаракатында ол эки керен яралангъан, тек госпиталда ятып къолай болгъан сонг, оьзюню ёлдашларыны янына къайтгъан. Украина бойдагъы гьаракатда гёрсетген къоччакълыгъы ва игитлиги учун ол Россияны Президенти Владимир Путинни Указына гёре «Къоччакълыгъы учун» деген медаль булан савгъатлангъан. Ондан къайры да, оьтген гюнлерде «Агьмат» деген хас асгер бёлюкде борчун лайыкълы кютегени саялы, бёлюкню командири, Россияны Игити Алавутдиновну буйругъуна гёре, «Агьмат» деген асгер бёлюкню инг оьр савгъаты – орден булан да савгъатлангъан.

Арсланны уьюнде аявлу ва ювукъ адамлары къаравуллай. Октябр айда, къумукъну ва Дагъыс­танны эревюллю уланы А. Давутов къолуна савут тутуп, Россияны янгы къошулгъан регионларыны халкъын якълайгъанлы бир йыл тамамланды.

Бизин шолай гьюрметли адамларыбыз бар туруп да, уьстюнлюкню гюню ювукълашажагъына инанабыз. Макъаланы игити де оьзюн аямай, гьар гюн дегенлей шо сююнч гюнлеге ёл сала.

 

Герейхан ГЬАЖИЕВ

СУРАТДА: Арслан Давутов.

Авторизация
*
*
Регистрация
*
*
*
Согласны с условиями сайта?
Генерация пароля