Ярышларда 14 командадан 126 теннисист ортакъчылыкъ этген. Эргишилени арасында магьачкъалалы, СКФО-ну чемпиону, Россияны спортуну устасы къумукъ улан Темирлан Хасболатов биринчи ерни алгъан.

Ол эргишилени арасында къумукъ улан Юсуп Бекеев ва къошулчан разрядда Елена Тузова булан Дагъыстанны чемпиону болгъан.

Темирлан гьали Дагъыстанны он керен чемпиону болду.

– Мен янгыз разрядда финалда къызылюртлу теннисист Магьаммат Висалгереев булан ёлукъдум ва ону 3:0 санав булан утма болдум. Умуми гьисапда мен ярышларда 12 керен ойнадым. Юсуп Бекеев булан чер разрядда алты керен ойнадыкъ ва барында да уьст гелдик.

Гьали ювукъ арада Къызлар районда оьтгерилежек республика турнирде ортакъчылыкъ этежекмен. Сонг эки айдан Темиркъазыкъ-Кавказ федерал округну (СКФО) чемпионатына да баражакъман, – деди бизге берген баянлыгъында Темирлан.

 Измулла АДЖИЕВ.

СУРАТДА: Т. Хасболатов.

Автор чыгъаргъан сурат.