Он медаль алып къайтгъан

Алдагъы гюнлерде Владимир областны Суздаль шагьарында ябушувну тхэквондо журасындан сакъатланы арасында Россияда биринчиликни алмакъ учун ярышлар юрюлген. Эсгерилген шо ярышларда бизин республиканы жыйым командасы да ортакъчылыкъ этген.

 Дагъыстанны жыйым­ ко­мандасыны баш тренери Айдемир Шагьбанов маълумат къуралланы мухбирлерине билдиргени йимик, бизин республиканы атындан шо ярышларда ортакъчылыкъ этген кочаплар ябушув халчада оьзлени къайпанмайгъанлыгъы булан бирге, усталыгъын ва бажарывлугъун гёрсетген.

Ачыкълашдырып айтгъанда, бизин республиканы жыйым командасы шо ярышлардан умуми кюйде 10 медаль алып къайтгъан. Шолай, Динислам Жамалутдинов алтын медаль къазангъан, Къурбан Магьамматов ва Али Алиев гюмюш, олай да Хизри Аламов бронза медаллагъа ес болгъан.

Шону булан бирге къызлар да шо ярышларда етишген оьрлюклер айрыча гёрмекли. Демек, Патимат Айдемирова ярышланы алтын, гюмюш, бронза медалларына лайыкълы болгъан. Шону булан бирге Виктор Баулкин ярышланы гюмюш ва бронза медалларын алгъанын айрыча эсгермеге тюше.

 

Б. АЙБОЛАТОВ.

 

Авторизация
*
*
Регистрация
*
*
*
Согласны с условиями сайта?
Генерация пароля