Охувчуланы рагьмулу ишлери

Алдындагъы гюнлерде Къарабудагъгентдеги маданият центрында ону чебер ёлбашчысы Аскендер Исрапилов булан бирликде сакъатлыкъгъа тарыгъан яшлагъа къарайгъан реабилитация центр Яшланы якълавуну гюнюне багъышлангъан шатлы чара оьтгерди. Шо чарада админист­рацияны жаваплы къуллукъларында ишлейген ёлбашчылары да ортакъчылыкъ этди.

Яшлагъа «Юлдуз» деген яшлар бавуну тарбиялавчулары, Аскендер Исрапилов, Ругьубият Абдулхаликова, Абдулазим Найибханов ва башгъалары концерт гёрсетдилер. Къарабудагъгентдеги 2 номерли школаны охувчулары да яшлагъа савгъатлар онгаргъан эди. Ортакъчылыкъ этегенлеге татли столлар къурулду, шондан сонг клубда олагъа ки­нофильм де гёрсетилди.

Авторизация
*
*
Регистрация
*
*
*
Согласны с условиями сайта?
Генерация пароля