Генгешни ишинде «Къызылюрт район» деген муниципал къурулувну администрациясыны башчысы Багьавдин Гьажаматов, Къызылюрт шагьарны башчысыны орунбасары Садрудин Жафаров, Къызылюрт районну билим берив управлениесини ёлбашчысы Багьавдин Татарханов, спорт, яшланы ишлерине къарайгъан бёлюклени башчылары, врачлар ва ич ишлени къуллукъчулары ортакъчылыкъ этди.
– Мен Дагъыстанны башчысы наркотиклеге къаршы чаралар гёрме герек деген масъаланы чорт этип салгъанны бек дурус гёремен, – дей прокурор М. Иманалиев. – Айтмасдай да тюгюл, наркотик къоллайгъанлар кёп болгъандан къайры да, кёп гиччилейин къоллама башлайгъанланы санаву артагъаны да талчыкъдыра. Наркотиклеге байлавлу болуп судгъа 21 иш берилген. Шоланы да кёбюсю – дезоформин дегени. Шо наркотик – учуз, тек бек къоркъунчлусу. Наркотиклер къоллап этилинеген жинаятчы ишлер де артгъан. Шону учун да, ерли администрацияланы ва активни къоллап, шо балагьгъа къаршы ишлер гёрме герек.
Ич ишлени къуллукъчулары билдирген кюйде, наркотиклер яягъанлагъа ва къоллайгъанлагъа къаршы ишлер давам этиле. Школаларда яшланы алдында наркотиклени заралы гьакъда айтыла.
Наркоманиягъа къаршы иш гёреген комиссияны ортакъчылары охув ожакъларда наркотиклени заралы гьакъда англатыв ишлени генглешдирмекни, наркотиклеге къаршы язылгъан стендлер ва гёрсетив алатлар гьазирлемекни, охувчу яшланы тергемекни тийишли гёрегенни эсгерди.
Больницаны наркологу Магьаммат Кебедов наркотик къоллайгъанланы ва ичкичилени къолай этивде ёлугъагъан масъалаланы гьакъында да айтды. Башлап яшаву осал агьлюлеге тергев этме гереги ачыкъ болду, шагьаргъа ва районгъа наркотиклер гелтирип яягъанланы аян этивге гьаракатны артдырма герек, шо иш буса ич ишлени къуллукъчуларыны алдына салына.
– Башлап социальный масъалаланы чечме герек, яшёрюмлени кёбюсю ишсиз, – дей М.Иманалиев. – Бош турагъан адам ичме яда наркотиклер къоллама амракъ бола. Печат къуралланы къоллап да, ёлугъувлар оьтгерип де, дин идараланы къуллукъчуларын чакъырып да англатыв ишлени яхшылашдырма герек. Шо ишлени де айлыкъны ичинде тюгюл, даим юрютюп турма герек.
«Дагъыстан-наркотиклеге къаршы» деген айлыкъ гьаракат бу жумада башлана. Шо заманны ичинде школаларда наркотиклеге къаршы дарслар оьтгерип, наркотиклер къоллайгъанланы ва не ерлерде сатылагъанны язып билдирме ящиклер илинме герек, шагьарда ва районда плакатлар болма герек. Охувчулагъа да айтайыкъ, наркотик къоллайгъанланы, олар жыйылагъан ва сатагъан ерлени 63–00–63 телефондан билдирме бола. Биригип иш гёрюлсе, эсгерилген масъаланы ёрукълашдырма бажарылажакъгъа шеклик ёкъ.
– Мен Дагъыстанны башчысы наркотиклеге къаршы чаралар гёрме герек деген масъаланы чорт этип салгъанны бек дурус гёремен, – дей прокурор М. Иманалиев. – Айтмасдай да тюгюл, наркотик къоллайгъанлар кёп болгъандан къайры да, кёп гиччилейин къоллама башлайгъанланы санаву артагъаны да талчыкъдыра. Наркотиклеге байлавлу болуп судгъа 21 иш берилген. Шоланы да кёбюсю – дезоформин дегени. Шо наркотик – учуз, тек бек къоркъунчлусу. Наркотиклер къоллап этилинеген жинаятчы ишлер де артгъан. Шону учун да, ерли администрацияланы ва активни къоллап, шо балагьгъа къаршы ишлер гёрме герек.
Ич ишлени къуллукъчулары билдирген кюйде, наркотиклер яягъанлагъа ва къоллайгъанлагъа къаршы ишлер давам этиле. Школаларда яшланы алдында наркотиклени заралы гьакъда айтыла.
Наркоманиягъа къаршы иш гёреген комиссияны ортакъчылары охув ожакъларда наркотиклени заралы гьакъда англатыв ишлени генглешдирмекни, наркотиклеге къаршы язылгъан стендлер ва гёрсетив алатлар гьазирлемекни, охувчу яшланы тергемекни тийишли гёрегенни эсгерди.
Больницаны наркологу Магьаммат Кебедов наркотик къоллайгъанланы ва ичкичилени къолай этивде ёлугъагъан масъалаланы гьакъында да айтды. Башлап яшаву осал агьлюлеге тергев этме гереги ачыкъ болду, шагьаргъа ва районгъа наркотиклер гелтирип яягъанланы аян этивге гьаракатны артдырма герек, шо иш буса ич ишлени къуллукъчуларыны алдына салына.
– Башлап социальный масъалаланы чечме герек, яшёрюмлени кёбюсю ишсиз, – дей М.Иманалиев. – Бош турагъан адам ичме яда наркотиклер къоллама амракъ бола. Печат къуралланы къоллап да, ёлугъувлар оьтгерип де, дин идараланы къуллукъчуларын чакъырып да англатыв ишлени яхшылашдырма герек. Шо ишлени де айлыкъны ичинде тюгюл, даим юрютюп турма герек.
«Дагъыстан-наркотиклеге къаршы» деген айлыкъ гьаракат бу жумада башлана. Шо заманны ичинде школаларда наркотиклеге къаршы дарслар оьтгерип, наркотиклер къоллайгъанланы ва не ерлерде сатылагъанны язып билдирме ящиклер илинме герек, шагьарда ва районда плакатлар болма герек. Охувчулагъа да айтайыкъ, наркотик къоллайгъанланы, олар жыйылагъан ва сатагъан ерлени 63–00–63 телефондан билдирме бола. Биригип иш гёрюлсе, эсгерилген масъаланы ёрукълашдырма бажарылажакъгъа шеклик ёкъ.
СУРАТДА: Къызылюрт районара комиссияны генгеши юрюлеген вакъти.
Гебек КЪОНАКЪБИЕВ, оьз мухбирибиз.
